សមាជិកគណៈកម្មាធិការប្រតិបត្តិ
.png) | លោកឧកញ៉ា ហួត អៀងតុង ប្រធានអគ្គនាយក លោកឧកញ៉ា ហួត អៀងតុង គឺជាសហស្ថាបនិករបស់ ហត្ថាកសិករ លីមីតធីត ក្នុងឆ្នាំ ១៩៩៤ ហើយបានដឹកនាំស្ថាប័ននេះចាប់តាំងពីពេលនោះមក។ លោកឧកញ៉ា ហួត អៀងតុង មានបទពិសោធន៍ច្រើនជាង ៣០ឆ្នាំ លើវិស័យហិរញ្ញវត្ថុដែលជាកត្តាធ្វើឱ្យលោកក្លាយជាប្រតិបត្តិករយ៉ាងប៉ិនប្រសប់ទាំងក្នុងការគ្រប់គ្រងហិរញ្ញវត្ថុ និងមិនមែនហិរញ្ញវត្ថុនៅក្នុងស្ថាប័ន។ បន្ទាប់ពីបញ្ចប់ការសិក្សាថ្នាក់បរិញ្ញាបត្រលើជំនាញកសិកម្មនៅឆ្នាំ ១៩៩១ លោកក៏បានបញ្ចប់ការសិក្សាថ្នាក់អនុបណ្ឌិតរដ្ឋបាល និងគ្រប់គ្រងអាជីវកម្ម។ ពិសេសជាងនេះទៅទៀត លោកធ្លាប់ចូលរួមសិក្ខាសាលាជាច្រើននៅក្រៅប្រទេសពាក់ព័ន្ធនឹងវិស័យមីក្រូហិរញ្ញវត្ថុ ដូចជានៅប្រទេសហ្វីលីពីន សហរដ្ឋអាមេរិក ឥណ្ឌូនេស៊ី បារាំង អាល្លឺម៉ង់ និងប្រទេសជាច្រើនទៀត។ |
.png) | លោក Wanchairabin Jitwattanatam អនុប្រធានអគ្គនាយក លោក Wanchairabin បានចូលបម្រើការងារនៅ ហត្ថាកសិករ នៅក្នុងខែ វិច្ឆិកា ឆ្នាំ ២០១៦ ដោយនាំមកជាមួយនូវបទពិសោធន៍ជំនាញវិជ្ជាជីវៈការងារចម្រុះ ២០ ឆ្នាំ លើវិស័យធនាគារ និងហិរញ្ញវត្ថុ ការប្រឹក្សាយោបល់លើការគ្រប់គ្រងទូទៅ និងជាពិសេសវិស័យវិស្វកម្មក្នុងក្រុមហ៊ុនសំខាន់ៗមួយចំនួនដូចជាធនាគារអយុធ្យា (ក្រុងស្រ៊ី) ក្រុមហ៊ុន GE Capital និង AT Kearney ។ មុនពេលចូលរួមជាមួយនឹងហត្ថាកសិករ លោក Wanchairabin គឺជានាយកគ្រប់គ្រងផ្នែកគ្រប់គ្រងយុទ្ធសាស្រ្តសហគមន៍សេដ្ឋកិច្ចអាស៊ាននៃធនាគារក្រុងស្រ៊ី ដោយលោកមានតួនាទីសំខាន់គ្រប់គ្រងលើការពង្រីកសកម្មភាពអាជីវកម្មរបស់ធនាគារនេះនៅក្នុងបណ្តាប្រទេសមហាអនុតំបន់ទន្លេមេគង្គ។ តាមរយៈបទពិសោធន៍លើវិស័យធនាគារជាមួយនឹងសមត្ថភាពលើការប្រឹក្សាយោបល់លើការដឹកនាំក្នុងតំបន់អាស៊ីអាគ្នេយ៍ លោកបានរៀបចំ និងដឹកនាំផែនការយុទ្ធសាស្រ្តយ៉ាងជោគជ័យជាច្រើនហើយសម្រេចគម្រោងទាំងនោះទៅតាមការកំណត់ចំណែកទីផ្សារ និងទិសដៅអាជីវកម្ម។ គម្រោងសំខាន់ៗទាំងនោះរួមមានការកំណត់យុទ្ធសាស្រ្តក្រុមហ៊ុន ការអភិវឌ្ឍផលិតផល និងចរន្តបែងចែក ការពង្រឹងប្រព័ន្ធ Telemarketing ការកែលម្អដំណើរការខ្សែចង្វាក់ផលិតកម្ម និងការបង្កើតគំរូសេវាកម្មលក់ផលិតផល។ លោក Wanchairabin ទទួលបានសញ្ញាបត្រថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងធុរកិច្ចពីសាកលវិទ្យាល័យពាណិជ្ជសាស្រ្តនៃទីក្រុង Melbourne ប្រទេសអូស្ត្រាលី និងបរិញ្ញាបត្រវិស្វកម្មពីសាកលវិទ្យាល័យ Chulalongkorn ប្រទេសថៃ។ |
.png) | កញ្ញា អ៊ឹម វណ្ឌិត អគ្គនាយិកា ប្រតិបត្តិការ និងអភិបាលកិច្ច កញ្ញា អ៊ឹម វណ្ឌិត បានចាប់ផ្តើមអាជីពការងារនៅហត្ថាកសិករក្នុងឆ្នាំ ១៩៩៥ ក្នុងចំណោមក្រុមបុគ្គលិកដំបូងគេបង្អស់។ មុនពេលចូលរួមជាមួយនឹង ហត្ថាកសិករ កញ្ញាបានបម្រើការនៅអាជ្ញាធរបណ្តោះអាសន្នរបស់អង្គការសហប្រជាជាតិប្រចាំនៅកម្ពុជា (អ៊ុនតាក់) សម្រាប់ការៀបចំការបោះឆ្នោតជាតិនៅកម្ពុជា និងអង្គការផ្ដល់ជំនួយមួយរបស់សហរដ្ឋអាមេរិកឈ្មោះ The American Relief Committee ។ កញ្ញា អ៊ឹម វណ្ឌិត បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់លើជំនាញគណនេយ្យពីសាកលវិទ្យាល័យបៀលប្រាយនៅឆ្នាំ ២០០៨។ កញ្ញាបន្តពង្រីកចំណេះដឹងតាមរយៈការចូលរួមក្នុងវគ្គបណ្តុះបណ្តាលនានាលើវិស័យហិរញ្ញវត្ថុ និងវិស័យពាក់ព័ន្ធដទៃទៀតទាំងក្នុង និងក្រៅប្រទេស។ |
.png) | លោក ម៉ិច សុខមេត្រី អគ្គនាយកអភិវឌ្ឍអាជីវកម្ម លោក ម៉ិច សុខមេត្រី ត្រូវបានដំឡើងតួនាទីជាអនុប្រធានអគ្គនាយកនិងអគ្គនាយកអភិវឌ្ឍអាជីវកម្មនៅខែមករា ឆ្នាំ ២០១៤ បន្ទាប់ពីលោកបានបំពេញការងារអស់រយៈពេល ៨ ឆ្នាំ នៅហត្ថាកសិករ នៅនាយកដ្ឋានទីផ្សារ និងគ្រប់គ្រងហានិភ័យ។ លោកមានបទពិសោធន៍ជាច្រើនលើជំនាញទីផ្សារ ការគ្រប់គ្រងស្លាកសញ្ញា ការគ្រប់គ្រងទំនាក់ទំនងអតិថិជន និងការគ្រប់គ្រងហានិភ័យ និងប្រតិបត្តិតាម (អនុលោមភាព)។ នៅឆ្នាំ ២០១៣ លោក មេត្រី ទទួលបានសញ្ញាបត្រជាអ្នកជំនាញផ្នែកគ្រប់គ្រងហានិភ័យនៃសាលាហិរញ្ញវត្ថុ និងគ្រប់គ្រងហ្វ្រែងហ្វើត។ |
.png) | លោក រស់ វ៉ុល អគ្គនាយកសវនកម្មផ្ទៃក្នុង (អ្នកសង្កេតការណ៍) លោក រស់ វ៉ុលត្រូវបានតែងតាំងជាអនុប្រធានអគ្គនាយក និងជាអគ្គនាយកសវនកម្មផ្ទៃក្នុង នៅឆ្នាំ ២០១៥។ លោកមានបទពិសោធន៍ជាង ៨ឆ្នាំ នៅក្នុងផ្នែកសវនកម្មផ្ទៃក្នុង និងការគ្រប់គ្រងសាខា និងមានបទពិសោធន៍ជាង ១១ឆ្នាំ លើការគ្រប់គ្រង សវនកម្ម។ លោកទទួលបាន បរិញ្ញាបត្រជាន់ខ្ពស់ ពីសាកលវិទ្យាល័យ Preston និងបានបញ្ចប់បរិញ្ញាបត្រជំនាញគ្រប់គ្រងនៅសាកលវិទ្យាល័យ Maharishi Verdic ក្នុងឆ្នាំ១៩៩៨ ផងដែរ។ |
 | លោក ទូច លីណា អគ្គនាយកអនុម័តឥណទាន លោក ទូច លីណា ត្រូវបានតែងតាំងជាអនុប្រធានអគ្គនាយកនិងអគ្គនាយកប្រតិបត្តិការនៅឆ្នាំ ២០០៣ បន្ទាប់ពីបានចាប់ផ្តើមអាជីពការងារនៅហត្ថាកសិករនៅខែ មីនា ឆ្នាំ ២០០៥។ លោកទទួលខុសត្រូវរាល់ប្រតិបត្តិការរបស់ហត្ថាកសិកររាប់បញ្ចូលទាំងប្រតិបត្តិការឥណទាន និងការគ្រប់គ្រងសាខា។ លោក លីណា បានបញ្ចប់ការសិក្សាពីវិទ្យាស្ថានជាតិគ្រប់គ្រងក្នុងឆ្នាំ ២០០៣ ហើយលោកបានចូលរួមក្នុងកម្មវិធីបណ្តុះបណ្តាលជាច្រើនទាំងក្នុងនិងក្រៅប្រទេសដូចជា ហ្វីលីពីន វៀតណាម និងលុចសំបួរជាដើម។ |
 | លោក យឹម ទិត្យា អគ្គនាយកបច្ចេកវិទ្យាព័ត៌មាន លោក យឹម ទិត្យា បានចូលរួមជាមួយហត្ថាកសិករ នៅខែ កញ្ញា ឆ្នាំ ២០១៧ ក្នុងតួនាទីជានាយកជាន់ខ្ពស់នៃនាយកដ្ឋានផែនការ និងអភិបាលកិច្ចព័ត៌មានវិទ្យា ហើយត្រូវបានដំឡើងឋានៈជាអគ្គនាយកបច្ចេកវិទ្យាព័ត៌មាននៅខែ មិថុនា ឆ្នាំ ២០១៨។ តួនាទីរបស់លោកគឺគ្រប់គ្រងការត្រួតពិនិត្យការងារសម្រាប់ការធ្វើផែនការយុទ្ធសាស្រ្តបច្ចេកវិទ្យា ស្ថាបត្យកម្មសហគ្រាស ការគ្រប់គ្រងគម្រោង និងអភិបាលកិច្ចបច្ចេកវិទ្យា សម្រាប់ ហត្ថាកសិករ លីមីតធីត។ |
.png) | លោក ជឺន បូរាណច័ន្ទបូរ៉ាត់ អគ្គនាយកនីតិកម្ម លោក ជឺន បូរាណច័ន្ទបូរ៉ាត់ បានចូលបំរើការងារនៅហត្ថាកសិករនៅខែធ្នូឆ្នាំ២០១១ ក្នុងតួនាទីជានាយកនីតិកម្ម និងលេខាធិការ។ នៅឆ្នាំ២០១៨ លោកត្រូវបានតែងតាំងជាអនុប្រធានអគ្គនាយក និងជាអគ្គនាយកនីតិកម្ម។ លោកមានបទពិសោធន៍ជាង១០ឆ្នាំ នៅធនាគារពាណិជ្ជកម្ម។លោក ច័ន្ទបូរ៉ាត់ បានទទួលសញ្ញាបត្រថ្នាកបរិញ្ញបត្រនីតិឯកជន និងថ្នាក់អនុបណ្ឌិតពី សាកលវិទ្យាល័យភូមិន្ទនីតិសាស្ដ្រនិងវិទ្យាសាស្ដ្រសេដ្ឋកិច្ច។ |
.png) | លោក ហ៊ឹម វិបុល អគ្គនាយកហិរញ្ញវត្ថុ លោក ហ៊ឹម វិបុល បានចូលបម្រើការងារនៅហត្ថាកសិករនៅខែ មិថុនា ឆ្នាំ ២០១៥ ដោយនាំមកជាមួយនូវបទពិសោធន៍ជាង ១៧ ឆ្នាំ ក្នុងវិស័យមីក្រូហិរញ្ញវត្ថុ។ មុនពេលចូលរួមជាមួយនឹង ហត្ថាកសិករ លោក វិបុល ធ្លាប់កាន់តួនាទីសំខាន់ជាច្រើនរួមមាន សវនកម្មផ្ទៃក្នុង គណនេយ្យ និងហិរញ្ញវត្ថុ ហើយលោកបានទទួលតួនាទីជាអគ្គនាយកហិរញ្ញវត្ថុនៅស្ថាប័នមីក្រូហិរញ្ញវត្ថុធំមួយ។ បន្ថែមពីលើតួនាទីនេះ លោក វិបុល បានទទួលខុសត្រូវក្នុងការគ្រប់គ្រងគម្រោងនៃការផ្លាស់ប្តូរប្រព័ន្ធធនាគារស្នូលផងដែរ។ ជាមួយលទ្ធផលឆ្នើមក្នុងការសិក្សា លោក វិបុល បានទទួលសញ្ញាបត្របរិញ្ញាបត្រផ្នែកសេដ្ឋកិច្ចនៅឆ្នាំ ២០០២ និងបញ្ចប់ថ្នាក់បរិញ្ញាបត្រជាន់ខ្ពស់ផ្នែកហិរញ្ញវត្ថុ និងគណនេយ្យនៅឆ្នាំ ២០០៥។ នៅឆ្នាំ ២០១៧ លោកបានបញ្ចប់ការសិក្សាពី ACCA ហើយបានក្លាយជាសមាជិកនៃសមាគមគណនេយ្យករជំនាញ (ACCA) នៃចក្រភពអង់គ្លេសនៅខែ កុម្ភៈ ឆ្នាំ ២០១៨។ |
 | លោក សេម សោភ័ណ អគ្គនាយកធនធានមនុស្ស លោក សេម សោភ័ណ បានចូលបម្រើការងារនៅហត្ថាកសិករនៅខែធ្នូ ឆ្នាំ ២០១០ ក្នុងតួនាទីជានាយកនាយកដ្ឋានធនធានមនុស្ស។ លោកមានបទពិសោធន៍ការងារជាង ២៧ ឆ្នាំ ក្នុងវិស័យផ្សេងៗ រួមមានការគ្រប់គ្រងធនធានមនុស្សរយៈពេល ១៤ ឆ្នាំ ការអភិវឌ្ឍស្ថាប័ន និងការធ្វើផែនការធានមនុស្ស និងការអភិវឌ្ឍភាពជាអ្នកដឹកនាំ។ លោក សោភ័ណ បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់លើជំនាញការអភិវឌ្ឍភាពជាអ្នកដឹកនាំពីសាកលវិទ្យាល័យ Eastern University ក្នុងរដ្ឋ Philadelphia នៃសហរដ្ឋអាមេរិក និងបរិញ្ញាបត្រលើជំនាញនីតិសាធារណៈពីសាកលវិទ្យាល័យន័រតុន។ |
 | លោកស្រី ឆេង សុគន្ធ អគ្គនាយិកាគ្រប់គ្រងហានិភ័យ លោកស្រី ឆេង សុគន្ធ បានចាប់ផ្តើមការងារនៅហត្ថាកសិករនៅខែ មេសា ឆ្នាំ ២០១៥ ក្នុងតូនាទីជានាយិកានាយកដ្ឋានហានិភ័យ និងប្រតិបត្តិតាម។ មុនពេលចូលបម្រើការងារនៅ ហត្ថាកសិករ លោកស្រីបានឆ្លងកាត់បទពិសោធ ៩ ឆ្នាំ នៅធនាគារមួយ។ លោកស្រីបានចូលរួមសិក្សាវគ្គបណ្តុះបណ្តាលជាច្រើនដែលមានដូចជា ការកំណត់ហានិភ័យក្នុងវិស័យធនាគារ និងមីក្រូហិរញ្ញវត្ថុ ផែនការនិរន្តរភាពអាជីវកម្ម ការគ្រប់គ្រងបង្ការហានិភ័យ ភតិសន្យាហិរញ្ញវត្ថុ ហិរញ្ញប្បទានពាណិជ្ជកម្មលើជំនួញ ឥណទាន ផ្នែកទីផ្សារ និងវគ្គគរុកោសល្យបង្រៀនភាសាអង់គ្លេសជាដើម។ លោកស្រីទទួលបានបរិញ្ញាបត្រផ្នែកព័ត៌មានវិទ្យាពីសាកលវិទ្យាល័យភូមិន្ទភ្នំពេញនៅឆ្នាំ ២០០៦ ព្រមទាំងបានបញ្ចប់ថ្នាក់បរិញ្ញាបត្រជាន់ខ្ពស់ផ្នែកហិរញ្ញវត្ថុនិងធនាគារពីសាកលវិទ្យាល័យជាតិគ្រប់គ្រងនៅឆ្នាំ ២០១១។ លោកស្រីទទួលបានសញ្ញាបត្រជាអ្នកជំនាញផ្នែកគ្រប់គ្រងហានិភ័យនៃសាលាហិរញ្ញវត្ថុនិងគ្រប់គ្រងហ្វ្រែងហ្វើត នៅឆ្នាំ ២០១៧។ |
 | លោក ដួង ច័ន្នសុវិជ្ជា អគ្គនាយកលក់និងចែកចាយ លោក ដួង ច័ន្នសុវិជ្ជា ចូលបម្រើការងារនៅ ហត្ថាកសិករ ឆ្នាំ ២០១៧ ក្នុងតួនាទីជានាយកនាយកដ្ឋានផ្នែកប្រតិបត្តិការហានិភ័យ និងការគ្រប់គ្រងការកេងបន្លំ។ ហើយត្រូវបានតម្លើងឋានៈជាអគ្គនាយក អគ្គនាយកដ្ឋានលក់ និងចែកចាយ នៅក្នុងខែ សីហា ឆ្នាំ ២០១៨ ។ លោកមានបទពិសោធន៍ជាង ១៦ ឆ្នាំ ក្នុងវិស័យធនាគារ និងគ្រឹះស្ថានមីក្រូហិរញ្ញវត្ថុ។ |
.png) | កញ្ញា ហេង ស្រីប៉ុច នាយិកាប្រតិបត្តិតាម (អ្នកសង្កេតការណ៍) កញ្ញា ហេង ស្រីប៉ុច ទើបចូលបម្រើការងារនៅហត្ថាកសិករ ក្នុងតួនាទីជានាយិកាប្រតិបត្តិតាម (អនុលោម) បន្ទាប់ពីការដាក់បញ្ចូលគ្នាជាមួយនឹងធនាគារក្រុងស្រ៊ី។ កញ្ញាធ្លាប់ទទួលតួនាទីជានាយិកានៃនាយកដ្ឋាននៅធនាគារពាណិជ្ជជាង ៦ ឆ្នាំ ដែលរាប់បញ្ជូលទាំងការងារប្រតិបត្តិតាម ក្រមច្បាប់ ការអនុវត្តភាពពន្ធលើជនបរទេស វិធាន Volcker និងគ្រោងការគ្រប់គ្រងហានិភ័យ។ កញ្ញា ស្រីប៉ុច បានទទួលការបណ្តុះបណ្តាលជំនាញនៅតៃវ៉ាន់ សិង្ហបុរី និង ប្រទេសថៃ លើផ្នែកប្រតិបតិ្តតាម ការគ្រប់គ្រងហានិភ័យ និងប្រតិបត្តិការធនាគារ។ |
របាយការណ៍ប្រចាំឆ្នាំ២០១៨
សូមចុច នៅទីនេះ ដើម្បីទាញយករបាយការណ៍ឆ្នាំចុងក្រោយ ២០១៨។
បណ្តាញទីតាំងអេធីអឹម
សូមចុច នៅទីនេះ ដើម្បីមើលម៉ាស៊ីនអេធីអឹមរបស់ ហត្ថាកសិករ នៅទូទាំងប្រទេស។
លទ្ធផលសម្រេចបានគិតត្រឹម ៣១ មករា ២០២០
| ចំនួនការិយាល័យប្រតិបត្តិការ | ១៧៧ |
| ការិយាល័យកណ្តាល | ១ |
| ចំនួនបុគ្គលិកសរុប | ៤,៥៦៨ នាក់ |
| បុគ្គលិកភេទប្រុស | ៣,៣២១ នាក់ |
| បុគ្គលិកភេទស្រី | ១,២៤៧ នាក់ |
| លទ្ធផលផលិតផលឥណទាន | |
| ផលប័ត្រឥណទានសរុប | ១,០៨៧ លានដុល្លារ |
| អតិថិជនឥណទានសរុប | ១៧២,១៦៩ នាក់ |
| លទ្ធផលផលិតផលប្រាក់បញ្ញើសន្សំ | |
| ចំនួនប្រាក់បញ្ញើសន្សំសរុប | ៥៩១ លានដុល្លារ |
| អតិថិជនប្រាក់បញ្ញើសន្សំសរុប | ២៦២,៤៩៨ នាក់ |
ដៃគូពាណិជ្ជកម្ម
សូមចុច នៅទីនេះ ឬអត្ថប្រយោជន៍ដែលអ្នករំពឹងទុក
កម្មវិធីធនាគារចល័ត
ទំព័រផ្លូវការ