គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត (ហត្ថាកសិករ) និងក្រុមហ៊ុន អេសប៊ីអាយ រ៉ូយ៉ាល់ស៊ីឃ្យួរឹធី (អេសប៊ីអាយ) មានកិត្តិយសជម្រាបជូនដំណឹងដល់វិនិយោគិនដែលបានដាក់ពាក្យធ្វើបរិវិសកម្ម សម្រាប់ការបោះផ្សាយលក់សញ្ញាបណ្ណសាជីវកម្មជាសាធារណៈ របស់ហត្ថាកសិករ ចាប់ពី ថ្ងៃទី ០៨ ដល់ ថ្ងៃទី ១៣ ខែ វិច្ឆិកា ឆ្នាំ ២០១៨ មេត្តាជ្រាបថា ការធ្វើបរិវិសកម្ម បានប្រពឹត្តទៅប្រកបដោយជោគជ័យ។ ចំនួនសញ្ញាបណ្ណសាជីវកម្មសរុបចំនួន ១.២០០.០០០ សញ្ញាបណ្ណ ត្រូវបានបញ្ជាទិញ និងបែកចែកជូនវិនិយោគិនទាំងអស់។ លទ្ធផលនៃការធ្វើបរិវិសកម្ម បានទទួលការអនុញ្ញាតពីគណៈកម្មការមូលបត្រកម្ពុជា (គ.ម.ក) រួចហើយ។

ភ្នំពេញ ថ្ងៃទី២៩ ខែវិច្ឆិកា ឆ្នាំ២០១៨៖ ហត្ថាកសិករ បានរៀបចំពិធីសម្ពោធដាក់ឲ្យប្រើប្រាស់ជាផ្លូវការនូវអគារការិយាល័យសិក្សា និងផ្តល់នូវសម្ភារៈសិក្សាដែលមានតម្លៃសរុបជាង៤ម៉ឺនដុល្លាដល់សិស្សានុសិស្ស និងលោកគ្រូអ្នកគ្រូនៅសាលាបឋមសិក្សាពោធិ៍សាត់ដែលស្ថិតក្នុងខេត្តពោធ៍សាត់ក្រោមអធិបតីភាពដ៏ខ្ពង់ខ្ពស់របស់ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់។

គ្រឹះស្ថានមីក្រូហិរញ្ញវត្ថុ ហត្ថាកសិករ មានកិត្តិយសសូមជម្រាបជូនដំណឹងដល់សាធារណៈជន មេត្តាជ្រាបថា ហត្ថាកសិករ បានទទួលការអនុញ្ញាត និងចុះបញ្ជីជាស្ថាពរ ពីគណៈកម្មការមូលបត្រ-កម្ពុជា  (គ.ម.ក.) លើទម្រង់ពាក្យស្នើសុំរួម និងឯកសារផ្តល់ព័ត៌មាន សម្រាប់ការបោះផ្សាយលក់សញ្ញាបណ្ណសាជីវកម្មជាសាធារណៈ តាមរយៈសេចក្តីសម្រេចលេខ  ១៦៥ / ១៨ គ.ម.ក /ស.ស.រ  ចុះថ្ងៃទី ០១ ខែ វិច្ឆិកា ឆ្នាំ ២០១៨។

ភ្នំពេញ ថ្ងៃទី២ ខែតុលា ឆ្នាំ២០១៨៖ ដោយមានការជឿទុកចិត្ត និងគាំទ្រច្រើនពីអតិថិជន ហត្ថាកសិករ លីមីតធីត ដែលជាគ្រឹះស្ថានមីក្រូហិរញ្ញវត្ថុឈានមុខមួយនៅកម្ពុជា បានប្រកាសដាក់ លក់ជាផ្លូវការនូវផលិតផលសន្សំផលច្រើន ដើម្បីបំពេញតាមតម្រូវការដែលចេះតែកើនឡើងជាលំដាប់របស់អតិថិជន។ 

ភ្នំពេញថ្ងៃទី០៨ ខែកញ្ញា ឆ្នាំ២០១៨៖ ដើម្បីបង្កើនចំណេះដឹងផ្នែកហិរញ្ញវត្ថុដល់សហគមន៍ គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បាននឹងកំពុងធ្វើការចែករំលែកនូវបទពិសោធន៍ផ្នែកគ្រប់គ្រងហិរញ្ញវត្ថុទៅកាន់អតិថិជនជាច្រើននៅតាមបណ្តាខេត្តក្រុងមួយចំនួននៅក្នុងប្រទេសកម្ពុជា។

ភ្នំពេញថ្ងៃទី២២ ខែសីហា ឆ្នាំ២០១៨៖ បុគ្គលិកនៃគ្រឹះស្ថានមីក្រូហិរញ្ញវត្ថុ ហត្ថាកសិករបានចូលរួមក្នុងសកម្មភាពសង្គម នៅតាមសាលាបឋមសិក្សានានានៅក្នុងព្រះរាជាណាចក្រកម្ពុជា ចាប់តាំងពីខែកក្កដា ឆ្នាំ២០១៨ មកម៉្លេះ។ ប្រមាណជាជិត២ខែកន្លងមកនេះ ហត្ថាកសិករបានចូលរួមជាមួយសាលាបឋមសិក្សាជាង២០ ដែលមានសិស្សានុ សិស្សចូលរួមប្រមាណជា ៩០០នាក់។