គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានទទួលលិខិតអនុញ្ញាតពី ធនាគារជាតិនៃកម្ពុជា រួចហើយសម្រាប់ ការបោះផ្សាយមូលបត្របំណុល ជាប្រភេទសញ្ញាប័ណ្ណសាជីវកម្ម កាលពីថ្ងៃទី០១ ខែសីហា ឆ្នាំ២០១៨ នេះបើយោងតាមប្រសាសន៍របស់ លោក ឧកញ៉ា ហួត អៀងតុង ប្រធានអគ្គនាយក នៃគ្រឹះស្ថានមីក្រូហិរញ្ញវត្ថុហត្ថាកសិករ លីមីតធីត។

ភ្នំពេញ, ថ្ងៃទី២៥ ខែកក្កដា ឆ្នាំ២០១៨៖  ហត្ថាកសិករ លីមីតធីត ជាគ្រឹះស្ថានមីក្រូហិរញ្ញវត្ថុឈានមុខគេ និងមានបទពិសោធន៍ជាង ២០ឆ្នាំ នៅក្នុងប្រទេសកម្ពុជា មាន ទស្សនវិស័យជួយអោយអតិថិជនរបស់ខ្លួនទទួលបានជោគជ័យលើអាជីវកម្ម។ ដើម្បីរួមចំណែកក្នុងការអភិវឌ្ឍសេដ្ឋកិច្ច និងដើម្បី បំពេញតំរូវការហិរញ្ញវត្ថុរបស់អតិថិជន ព្រមទាំងបង្កើតអោយមានសេវាហិរញ្ញវត្ថុថ្មីៗបន្ថែមទៀត ដូចនេះហើយទើបហត្ថាកសិករ បាន បង្កើនដើមទុនថ្មីចំនួន ៤៥លានដុល្លារអាមេរិកបន្ថែមទៀត ដែលធ្វើអោយដើមទុនបានកើនឡើងរហូតដល់ ១៥០លានដុល្លារអាមេរិក ។

ភ្នំពេញ, ថ្ងៃទី២៤ ខែឧសភា ឆ្នាំ២០១៨ ៖ ហត្ថាកសិករ លីមីតធីត ដែលជាគ្រឹះស្ថានមីក្រូហិរញ្ញវត្ថុឈានមុខគេ និងមានបទពិសោធន៍ជាង ២០ឆ្នាំ ក្នុងការផ្តល់សេវាហិរញ្ញវត្ថុយ៉ាងសំបូរបែប នៅក្នុងព្រះរាជាណាចក្រកម្ពុជា បានចាប់ដៃគូជាមួយនឹងក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ ដើម្បីផ្តល់សេវាធានារ៉ាប់រងឥណទាន ជូនគ្រប់អតិថិជនទាំងអស់ដែលបាននឹងកំពុងប្រើប្រាស់ឥណទានរបស់ ហត្ថាកសិករ ។

ភ្នំពេញ ថ្ងៃទី០៧ ខែឧសភា ឆ្នាំ២០១៨៖ ហត្ថាកសិករ លីមីតធីត ដែលជាគ្រឺះស្ថានមីក្រូហិរញ្ញវត្ថុឈានមុខគេនៅប្រទេសកម្ពុជា បានទទួលចំណាត់ថ្នាក់កម្រិត “BBB+” ពីភ្នាក់ងារ TRIS Rating ។ ចំណាត់ថ្នាក់នេះសបញ្ជាក់ឲ្យឃើញថា ហត្ថាកសិករមានដំណើរការមុខជំនួញរបស់ខ្លួនប្រកបដោយស្ថិរភាព និងឈរជើងឈានមុខគេដ៏រឹងមាំនៅក្នុងទីផ្សាកម្ពុជា។ សូចនាករសំខាន់ៗជាច្រើនត្រូវបានយកមកវាស់វែង ជាអាទិ៍រួមមាន បណ្តាញប្រតិបត្តិការសាខានៅទូទាំងប្រទេស មានអតិថិជនគ្រប់មជ្ឍដ្ឋាន ប្រព័ន្ធគ្រប់គ្រងហានិភ័យដ៏ល្អ និង ប្រព័ន្ធគ្រប់គ្រងហិរញ្ញវត្ថុ និងលំហូរសាច់ប្រាក់ដ៏រឹងមាំ។

ថ្ងៃទី០៧ ខែកុម្ភៈ ឆ្នាំ២០១៨: ហត្ថាកសិករ លីមីតធីត ជាគ្រឹះស្ថានមីក្រូហិរញ្ញវត្ថុឈានមុខគេមួយនៅកម្ពុជា បានទទួលដើមទុនបន្ថែម៣០លានដុល្លារ ដែលធ្វើឲ្យដើមទុនសរុបកើនឡើងរហូតដល់១៥០លានដុល្លារ។ ការបន្ថែមទុននាដើមឆ្នាំ២០១៨នេះ គឺដើម្បីបំពេញនិងសម្រេចតាមផែនការយុទ្ធសាស្រ្តថ្មី ដែលធ្វើឲ្យស្ថាប័នដ៏ធំនេះ មាន​​លទ្ធភាពកាន់តែខ្លាំងក្នុងការផ្គត់ផ្គង់ និងគាំទ្រដល់តម្រូវការរបស់អតិថិជនដែលមានសន្ទុះកើនឡើងឥតឈប់ ឈរ ហើយក៏បានបង្ហាញពីការរក្សាភាពជាស្ថាប័នហិរញ្ញវត្ថុរឹងមាំ និងនាំមុខគេនៅប្រទេសកម្ពុជាផងដែរ។

តាកែវ ថ្ងៃទី២៥ ខែវិច្ជិកា ឆ្នាំ២០១៧: នៅព្រឹកថ្ងៃ២៥ ខែវិច្ឆិកា ឆ្នាំ២០១៧ គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានរៀបចំកម្មវិធីឧបត្ថម្ភ សម្ភារៈសិក្សា ដល់សិស្សានុសិស្សនៃសាលាបឋមសិក្សា សុខ អាន ទួលសំបូរ ដែលស្ថិតនៅភូមិព្រែកសំបូរ ឃុំអង្គរបុរី ស្រុកអង្គរបុរី ខេត្តតាកែវ។ កម្មវិធីនេះ មានការអញ្ជើញចូលរួមពីសំណាក់ លោក ទូច លីណា អនុប្រធានអគ្គនាយក និងជាអគ្គនាយកប្រតិបត្តិការ &អនុម័តឥណទាន