“ដោយមានការប្តេជ្ញាចិត្តយ៉ាងមុតមាំពី​បុគ្គលិកនិងគណៈគ្រប់គ្រង ហត្ថាកសិករដែលជាកម្មសិទ្ធិរបស់ធនាគាអយុធ្យា (ត្រូវបានគេស្គាល់ថាធនាគារក្រុង​ស្រ៊ី) ដែលជាធនាគារពាណិជ្ជឈានមុខគេមួយនៅក្នុងប្រទេសថៃនិងជាសមាជិកនៃ MUFG រង់ចាំ​ផ្តល់ជូន​នូវសេវាកម្មនិងផលិតផល ហិរញ្ញវត្ថុប្រកបដោយចីរភាពក្នុង​ទស្សនវិស័យឌីជីថលកាន់តែទូលាយ ហើយស្របពេល​ជាមួយគ្នាផ្តល់នូវដំណោះស្រាយហិរញ្ញវត្ថុដែល​គួរ​ឱ្យ​ជឿ ទុកចិត្ត មានភាព​ងាយស្រួល និងប្រកបដោយភាពច្នៃប្រឌិតដែលនាំមកនូវបទពិសោធដ៏គួរឱ្យរីករាយដល់អតិថិជន"។

សេដ្ឋកិច្ចរបស់ប្រទេសកម្ពុជាក្នុង​ឆ្នាំ២០១៨បានកើនឡើង៧.៤​% ដែលសម្រេចបានកំណើនខ្ពស់បំផុតក្នុងរយៈពេល១០ឆ្នាំចុងក្រោយនេះ (ក្រសួង​សេដ្ឋកិច្ច​និង​ហិរញ្ញវត្ថុ) ។ ហត្ថាកសិករ បានបន្ត​រីកចម្រើនដោយសារ​ការជឿទុកចិត្តពីអតិថិជននិងភាគទុនិក។ នៅខែសីហាឆ្នាំ២០១៨ ហត្ថាកសិករ ទទួលបានប្រាក់​ទុនបន្ថែម​ចំនួន ៣០ លានដុល្លារអាមេរិក ធ្វើ​ឱ្យដើមទុនចុះបញ្ជីរបស់ខ្លួនកើន​ដល់ ​៧៥លានដុល្លារអាមេរិកដើម្បីបំពេញតាមតម្រូវការមូលធនសម្រាប់​ធនាគារពាណិជ្ជនៅកម្ពុជា។

គិតត្រឹមខែធ្នូ ឆ្នាំ២០១៨ ចំនួន​អតិថិជនរបស់យើងបាន​កើនឡើង​ដល់ ១៣៤,៤១០ នាក់ ដោយមាន​អ្នកដាក់ប្រាក់បញ្ញើចំនួន ២០៨,៣២៣ នាក់ និងអ្នកកាន់ប័ណ្ណ(អេធីអឹម) ចំនួន ៤៦,៦៦៥ នាក់។ ផលប័ត្រប្រាក់កម្ចីមានចំនួន ៧៥៧.៣ ​លាន​ដុល្លារ​អាមេរិក កើនឡើង៣១% ធៀបនឹង​ឆ្នាំ២០១៧ ដោយប្រាក់ចំណូលសុទ្ធមានចំនួន ២០.៨ លានដុល្លារអាមេរិក កើនឡើង ៣៥% ធៀបនឹង​ឆ្នាំ ២០១៧។ ប្រាក់បញ្ញើនិងសន្សំបានកើនឡើងដល់ ៤០៨.១​ លានដុល្លារ ដែលបានបង្ហាញពីទំនុកចិត្តខ្ពស់​ពីអតិថិជនរបស់យើងនិងសាធារណជន។

ប្រតិបត្ដិការរបស់ ហត្ថាកសិករ បានពង្រីកដល់ ១៧៨ សាខាដោយមានម៉ាស៊ីនអេធីអឹម ១២៩ គ្រឿងនៅទូទាំងប្រទេសកម្ពុជា។ បុគ្គលិករបស់​យើង​ចំនួន ៣,៦០៣ ​​នាក់ដែលមានជំនាញវិជ្ជាជីវៈ ផ្តល់ជូននូវសេវាកម្មហិរញ្ញវត្ថុដ៏ល្អបំផុតនៅតាម​បណ្តាញសាខាដ៏ទូលំទូលាយ។ អនុបាតកម្ចីមិនដំណើរការបានថយចុះ​០.៤២% ទៅ ​០.៦៨បើធៀបនឹងឆ្នាំ២០១៧។

នៅក្នុងទស្សនវិស័យឌីជីថលរបស់ខ្លួន ហត្ថាកសិករ បន្តបញ្ចូល​នូវ​​បច្ចេកវិទ្យា​ទំនើបថ្មីៗ​និងចាប់ផ្ដើម​កែប្រែ​ប្រព័ន្ធ​ឌីជីថល​ក្នុង​ផ្នែក​ប្រតិបត្តិការនានាក្នុង​បរិបទរក្សាឱ្យបាន​នូវចីរភាព ដើម្បីបំពេញតាមតម្រូវការរបស់អតិថិជនក្នុងយុគសម័យឌីជីថលនេះ។ យើងបន្តធ្វើឱ្យប្រសើរឡើងនូវប្រព័ន្ធ iBankingនិង Hattha Mobile ដើម្បីបម្រើអតិថិជនរបស់យើងកាន់តែប្រសើរ។

ហត្ថាកសិករ ខិតខំផ្តល់ជូននូវសេវាកម្មហិរញ្ញវត្ថុដែលងាយស្រួលនិងទុកចិត្តបានដល់អតិថិជន។ នៅឆ្នាំ២០១៨ យើងបានចាប់ដៃគូជាមួយនឹងក្រុមហ៊ុនធានារ៉ាប់រងអាយុ​ជីវិត សុវណ្ណាភូមិ ភីអិលស៊ី (SVL) និងក្រោយមកទៀតសហការជាមួយនឹង​ វីង ដែលអនុញ្ញាតឱ្យអតិថិជនយើងសងប្រាក់តាម​ វីង បាន។ ហត្ថាកសិករ នឹងបន្ត​ធ្វើការសហការជាមួយនឹង​ដៃគូដែល​មាន​សក្តានុពលបន្ថែម​ទៀត ដើម្បីឆ្លើយតបទៅនឹងតម្រូវការរបស់អតិថិជននិងបន្តផ្តល់បទពិសោធថ្មី​ដល់​អតិថិជន​ដែលមានស្រាប់និងអតិថិជនសក្តានុពល។ ហត្ថាកសិករ ត្រូវបានផ្ដល់ចំណាត់ថ្នាក់ BBB + ដោយភ្នាក់ងារវាយតម្លៃTris ដែលជាភ្នាក់ងារផ្តល់ចំណាត់ថ្នាក់អន្តរជាតិមួយ ដោយសារ​ប្រតិបត្តិការដ៏មានស្ថិរភាពរបស់ខ្លួនជាមួយនឹងជំហររឹងមាំនៅក្នុងទីផ្សារកម្ពុជា។ ការចាត់ចំណាត់​ថ្នាក់​នេះ​គឺយោង​ទៅ​លើ​សូចនាករសំខាន់ៗជាច្រើនដូចជា បណ្តាញសាខាអតិថិជនទូទាំងប្រទេស ប្រព័ន្ធគ្រប់គ្រងហានិភ័យល្អ ការគ្រប់គ្រងហិរញ្ញវត្ថុនិងសាច់ប្រាក់រឹងមាំ និង​គុណសម្បត្តិ​មួយចំនួន​ទៀត។

ហត្ថាកសិករ យកចិត្ត​ទុកដាក់​លើ​ការទទួលខុសត្រូវសង្គម ការពេញចិត្តរបស់អតិថិជននិងការគាំពារអតិថិជនដោយរក្សាការយកចិត្តទុកដាក់​របស់ខ្លួន​យ៉ាងខ្លាំងទៅ​លើ​ការអនុវត្ត​ការទទួលខុសត្រូវសង្គមរបស់ក្រុមហ៊ុន ឬ CSR។ ហត្ថាកសិករ បានគាំទ្រសកម្មភាពអប់រំទាក់ទងនឹងបរិស្ថាន សុខភាពនិងសុវត្ថិភាពរបស់ប្រជាពលរដ្ឋ ដើម្បីធានាថា ហត្ថាកសិករ មិនបង្កគ្រោះថ្នាក់ដល់បរិស្ថាន​និងសង្គមឡើយ។

ហត្ថាកសិករ បន្តធ្វើឱ្យប្រសើរឡើងនូវសេវាអតិថិជន។ រៀងរាល់​ឆ្នាំ យើងធ្វើការស្ទង់មតិក្នុង​ចំណោម​អតិថិជន ដើម្បីឱ្យ​យើងអាច​ពិនិត្យនិងកែលម្អសេវាកម្មរបស់យើងឱ្យ​បំពេញតាមតម្រូវការរបស់អតិថិជន។ យុទ្ធនាការមួយចំនួនត្រូវបានផ្តួចផ្តើមឡើង​ដើម្បីផ្តល់ជូនរង្វាន់​ពិសេសដល់អតិថិជនស្ម័គ្រស្មោះនិងលើកទឹកចិត្តសមាជិកដែលបានណែនាំ​អតិថិជនមក ហត្ថាកសិករ។ ក្រុមការងារ​តេឡេស៊ែល ត្រូវបានបង្កើតឡើងដើម្បីជួយ ហត្ថាកសិករ រក្សាទំនាក់ទំនងជាមួយនឹង​អតិថិជនរបស់យើង។ ខ្ញុំសូមថ្លែងអំណរគុណយ៉ាងជ្រាលជ្រៅដល់គណៈគ្រប់គ្រងនិងបុគ្គលិកដែលបានប្តេជ្ញាចិត្តនិងចូលរួមជាមួយនឹង​យើងក្នុង​ការ​សម្រេច​បាន​សមិទ្ធផលដ៏អស្ចារ្យនេះ។

ខ្ញុំសូមកោតសរសើរចំពោះការជឿទុកចិត្តនិងការគាំទ្រជាបន្តបន្ទាប់ដែលផ្តល់ដោយអតិថិជនអតិថិជន ដៃគូ ភាគហ៊ុនិក និងសាធារណជន។ ខ្ញុំទន្ទឹងរង់ចាំផ្តល់ជូន​នូវសេវាកម្មហិរញ្ញវត្ថុក្នុង​កម្រិត​ស្តង់ដាខ្ពស់បំផុតសម្រាប់ឆ្នាំខាងមុខ៕