ហត្ថាកសិករ លីមីតធីត ផ្តល់អត្រាការប្រាក់យ៉ាងពិសេសត្រឹមតែ ៧% ក្នុងមួយឆ្នាំ ដើម្បីទ្រទ្រង់ សហគ្រាសធុនតូច និងមធ្យមនៅកម្ពុជា
ភ្នំពេញ ថ្ងៃទី០១ ខែឧសភា ឆ្នាំ២០២០៖ ហត្ថាកសិករ លីមីតធីត ត្រូវបានគេស្គាល់ថាជាគ្រឹះស្ថានមីក្រូហិរញ្ញវត្ថុដ៏ធំមួយក្នុងប្រទេសកម្ពុជា បានចូលរួមក្នុងគម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម (SME Co-Financing Scheme) ក្រោមគំនិតផ្តួចផ្តើមរបស់រាជរដ្ឋាភិបាល ក្នុងគោលបំណងផ្តល់ឥណទាន ជាមួយការប្រាក់ទាបដើម្បីជំរុញការអភិវឌ្ឍរបស់សហគ្រាសធុនតូច និងមធ្យមនៅក្នុងប្រទេសកម្ពុជា។
លោក ម៉ិច សុខមេត្រី អគ្គនាយកអភិវឌ្ឍន៍អាជីវកម្ម នៃគ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានបញ្ជាក់ថា ហត្ថាកសិករ លីមីតធីត មានទស្សនៈយល់ឃើញដូចគ្នានឹងរាជរដ្ឋាភិបាល អំពីសារៈសំខាន់ដែលមិនអាចមើលរំលងបានរបស់សហគ្រាសធុនតូច និងមធ្យមដែលជាផ្នែកមួយក្នុងការជំរុញឲ្យសេដ្ឋកិច្ចជាតិកាន់តែរីកចម្រើន និងរឹងមាំ។ លោកបានមានប្រសាសន៍ថា “នៅពេលដែលសហគ្រាសធុនតូច និងមធ្យមមានការរីកចម្រើនខ្លាំងនោះ នឹងមានផលជាវិជ្ជមានយ៉ាងច្រើនដល់ការអភិវឌ្ឍសេដ្ឋកិច្ចជាតិប្រកបដោយចីរភាពដូចជា ការបង្កើតកន្លែងការងារជូនប្រជាពលរដ្ឋ បង្កើនលទ្ធភាពក្នុងការផលិត និងនាំចេញផលិតផលសម្រេច ឬពាក់កណ្តាលសម្រេចទៅក្រៅប្រទេស ព្រមទាំងការផ្គត់ផ្គង់យ៉ាងសម្បូរបែបសម្រាប់ប្រើប្រាស់ក្នុងស្រុក”។ លោកបានបន្ថែមទៀតថា “តាមរយៈគម្រោងសហហិរញ្ញប្បទានមួយនេះ ហត្ថាកសិករ លីមីតធីត បានត្រៀមខ្លួនរួចជាស្រេចក្នុងការផ្តល់ឥណទានជូនដល់សហគ្រាសធុនតូច និងមធ្យម ដែលមានទំហំកម្ចីរហូតដល់ ៣០ម៉ឺនដុល្លារ ជាមួយនឹងអត្រាការប្រាក់ទាបត្រឹមតែ ៧% ប៉ុណ្ណោះក្នុងមួយឆ្នាំ និងសង្ឃឹមយ៉ាងមុតមាំថាគម្រោងសហហិរញ្ញប្បទានមួយនេះនឹងទទួលបានជោគជ័យជាក់ជាមិនខានក្នុងការអភិវឌ្ឍសហគ្រាសធុនតូច និងមធ្យមនៅកម្ពុជា”។ ការផ្តល់ឥណទានមានការប្រាក់ទាបនេះគឺជាការចូលរួមចំណែកមួយយ៉ាងសំខាន់បំផុតរបស់ហត្ថាកសិករ លីមីតធីត ក្នុងការជួយទ្រទ្រង់ដល់សហគ្រាសធុនតូច និងមធ្យមដែលមានតម្រូវការឥណទានចាំបាច់ក្នុងការអភិវឌ្ឍអាជីវកម្មរបស់ពួកគាត់។ អាស្រយហេតុនេះចំពោះម្ចាស់សហគ្រាសធុនតូច និងមធ្យមណាដែលមានតម្រូវការដើមទុនជាចាំបាច់ សូមធ្វើការទំនាក់ទំនងមកកាន់ការិយាល័យហត្ថាកសិករ លីមីតធីត ណាមួយដែលនៅជិតលោកអ្នកបំផុត ឬ លោកអ្នកអាចទំនាក់ទំនងតាមរយៈលេខទូរសព្ទ ០២៣ ៩៩៩ ២៦៦ ឬ ១៨០០ ២១២ ២២២ (ឥតគិតថ្លៃ)។សូមបញ្ជាក់ផងដែរថា ហត្ថាកសិករ លីមីតធីត មានបទពិសោធន៍ជាង២៦ឆ្នាំ ក្នុងការផ្តល់សេវាហិរញ្ញវត្ថុក្នុងប្រទេសកម្ពុជា។ បច្ចុប្បន្ននេះ ហត្ថាកសិករ លីមីតធីត មានការិយាល័យសាខាចំនួន ១៧៧ ដើម្បីបម្រើសេវាឥណទាន សេវាប្រាក់បញ្ញើសន្សំ សេវាផ្ទេរប្រាក់ក្នុងស្រុក សេវាបើកប្រាក់បៀរវត្ស និងសេវាធនាគារចល័តជូនអតិថិជន ព្រមទាំងមានទូអេធីអឹមចំនួន ១៣៧ នៅទូទាំង ២៥ ខេត្ត/ក្រុង ក្នុងព្រះរាជាណាចក្រកម្ពុជា។ ហត្ថាកសិករ លីមីតធីត គឺជាបុត្រសម្ព័ន្ធធនាគារក្រុងស្រ៊ី (Krungsri) ដែលជាធនាគារពាណិជ្ជធំបំផុតលំដាប់ទី៥ នៃព្រះរាជាណាចក្រថៃឡង់ដ៍ និងជាសមាជិករបស់ MUFG ដែលជាសម្ព័ន្ធធនាគារ ធំជាងគេនៅប្រទេសជប៉ុន និងជាសម្ព័ន្ធហិរញ្ញវត្ថុធំបំផុតមួយនៅក្នុងពិភពលោក។
របាយការណ៍ប្រចាំឆ្នាំ២០១៨
សូមចុច នៅទីនេះ ដើម្បីទាញយករបាយការណ៍ឆ្នាំចុងក្រោយ ២០១៨។
បណ្តាញទីតាំងអេធីអឹម
សូមចុច នៅទីនេះ ដើម្បីមើលម៉ាស៊ីនអេធីអឹមរបស់ ហត្ថាកសិករ នៅទូទាំងប្រទេស។
លទ្ធផលសម្រេចបានគិតត្រឹម ៣១ មករា ២០២០
| ចំនួនការិយាល័យប្រតិបត្តិការ | ១៧៧ |
| ការិយាល័យកណ្តាល | ១ |
| ចំនួនបុគ្គលិកសរុប | ៤,៥៦៨ នាក់ |
| បុគ្គលិកភេទប្រុស | ៣,៣២១ នាក់ |
| បុគ្គលិកភេទស្រី | ១,២៤៧ នាក់ |
| លទ្ធផលផលិតផលឥណទាន | |
| ផលប័ត្រឥណទានសរុប | ១,០៨៧ លានដុល្លារ |
| អតិថិជនឥណទានសរុប | ១៧២,១៦៩ នាក់ |
| លទ្ធផលផលិតផលប្រាក់បញ្ញើសន្សំ | |
| ចំនួនប្រាក់បញ្ញើសន្សំសរុប | ៥៩១ លានដុល្លារ |
| អតិថិជនប្រាក់បញ្ញើសន្សំសរុប | ២៦២,៤៩៨ នាក់ |
ដៃគូពាណិជ្ជកម្ម
សូមចុច នៅទីនេះ ឬអត្ថប្រយោជន៍ដែលអ្នករំពឹងទុក
កម្មវិធីធនាគារចល័ត
ទំព័រផ្លូវការ